మానవ శరీరం ఎన్నో వింతలకు నిలయం. దీనికి సంబంధించిన కొన్ని విషయాలు చాలా ఆశ్చర్యంగా ఉంటాయి. నేషనల్ ఇన్ స్టిట్యుట్ ఆఫ్ హెల్త్ మన శరీరం గురించి చెప్పిన ఆశ్చర్యకరమైన నిజాలలో కొన్ని:
- మీకు తెలుసా? మనం సాయంత్రంపూట కంటే ప్రొద్దునపూట ఒక సెంటిమీటర్ ఎక్కువ పొడుగు ఉంటామని. దీనికి కారణమేంటంటే మన ఎముకలలోని మృదులాస్థి సాయంత్రంపూట కుంచించుకుపోతుంది.
- మన శరీరం అరగంటసేపు ఉత్పత్తి చేసే ఉష్ణోగ్రతతో సుమారు రెండు లీటర్ల నీళ్ళను మరగపెట్టవచ్చు.
- పగటిపూట మనం పని చేసేటప్పటి కంటే రాత్రి పూట మనం నిద్రించేటప్పుడు మన మెదడు ఎక్కువ చురుకుగా ఉంటుంది.
- బాగా ఎక్కువగా తింటే వినికిడి శక్తి మందగిస్తుంది.
- మన ఒక పాదంలో దాదాపు రెండున్నర లక్షల చెమటగ్రంధులు అంటే రెండు పాదాలలో కలిపి ఐదు లక్షలు ఉంటాయి. ఇవి రోజుకు తయారుచేసే చెమట దాదాపు అర లీటర్ ఉంటుంది.
- మన మెదడు పనిచేయాలంటే 10 వాట్స్ శక్తి కావాలి.
- ఎక్కువ ఐ.క్యు. ఉన్నవారికి ఎక్కువ కలలు వస్తాయి. కొంతమంది మెలకువగా ఉన్నప్పటికంటే కలలోనే ఎక్కువ తెలివిగా ఉంటారు.
- అడ్రినల్ గ్రంధులు ఉత్పత్తి చేసే అడ్రినలిన్ వలన ఒక మనిషి కారు కూడా ఎత్తగలిగేటంత బలవంతుడవుతాడు. బాగా వత్తిడి, భయం, ఉత్తేజం, ఆందోళనవంటి వాటికి గురైనప్పుడు అడ్రినలిన్ ఎక్కువగా ఉత్పత్తి అవుతుంది.
- పుట్టినప్పుడు శిశువులు నీలిరంగు కళ్ళతో పుడతారు. తర్వాత మెలానిన్, అతి నీలలోహిత కిరణాలూ (అల్ట్రా వయొలెట్ రేస్) కంటి రంగును మారుస్తాయి. అంతేకాకుండా పుట్టినప్పుడు 300 ఎముకలు ఉంటాయి. పెద్దఅయిన తర్వాత 206 ఎముకలే ఉంటాయి.
- మన పొట్టలోని ఆమ్లాలు రేజర్ బ్లేళ్ళను కూడా కరిగించుకోగలవు.
- కుడి చేయి వాటం కలవారు ఎడమ చేయి వాడేవారి కంటే తొమ్మిదేళ్ళు ఎక్కువ బతికే అవకాశం ఉంది.
- అండం మన శరీరంలోని అతి పెద్ద కణం. శుక్రకణం అతి చిన్నది.
- మన మెదడులోని ఒక్కొక్క కణం దానిలో ఎంత సమాచారాన్ని నిక్షిప్తం చేసుకోగలదంటే దాదాపు వికీపీడియాలో ఉన్న సమాచారానికి ఐదు రెట్లు ఎక్కువ.
- మనం పుట్టటానికంటే ఆరు నెలల ముందే మన పళ్ళు పెరగటం మొదలవుతుంది.
- మన జీవిత కాలంలో మనం స్రవించే లాలాజలంతో దాదాపు రెండు స్విమ్మింగ్ పూల్స్ నింపవచ్చు.
No comments:
Post a Comment